यो देशलाई बचाउन (देउडा)

यो देशलाई बचाउन


विश्वमै असफल सिस्टम संघीय व्यवस्था
त्यै व्यवस्था नेपाल आउँदा बिग्रियो अवस्था

आउँदा त यस्तरो भयो लाउँदा कस्तो होला
पड्न्या छन् जनताका खोरा बम बारूदका गोला

नलाउँकी मनौदो सुच्चा नलाउन कसो गरी
सत्तामा रहनु पड्न्या ज्या ज्या जसो गरी

यस्तरो क्या हुन लाग्यो यै देशका बस्ती
नसोच्याको संघीयता लाद्छन् जबरजस्ती

एक विश राष्ट्रमा मात्रै संघीयता पाउने
बिना आधार बिनाकारण यहाँ किन ल्याउने

भएका देशमा बिगबिगी लडाईको
यो देशको सुधार कै छैन होडबाजी चडाईको

संघीय नेपाल बनाई टुक्राउन लाग्दैछन्
खारेज गर्न संघीयता देशभक्त जाग्दैछन्

उठ जाग नेपाली हो यो देशलाई बचाउन
संरचना नयाँ पार्दै नेपाललाई सजाउन